Category Archives: உலகம்

உலகம் 2012 இல்…

புது வருடத்தில் ஆரம்பத்தில் செய்யும் காரியங்களைத் தொடர்ந்தும் செய்வோம் என்பது ஐதீகம். அதனால் இன்று சனவரி முதலாம் திகதி ஒரு பதிவை இட்டுவிடுகின்றேன்.

புது வருடம் 2013

new year

இந்தப் பதிவை வாசிக்கும் அனைவரிற்கும் இனிய புத்தாண்டு நல் வாழ்த்துக்கள். மாயன் பெயரைச் சொல்லி இந்த வருடமே பிறக்காது என்று ஆரூடம் கூறிப் பலர் பிழைப்பு நடத்தி பேஸ்புக், ட்விட்டர் என்று ஸ்டேடஸ் மேல் ஸ்டேடஸ் போட்டு எங்களைப் பாடாகப் படுத்தினர். ஸ்பானிஸ் காரன் போய் ஒரு நாகரீகத்தையே அழித்துவிட அதன் எச்சகங்களில் இருந்து கிடைத்த தகவல்களை வைத்து உலகம் அழிந்துவிடும் என்று விஞ்ஞான ரீதியாக ஏற்றுக்கொள்ளப்படாத தகவல்களைப் பரப்பிய அனைவரிற்கும் 2013 நல்ல செருப்படி கொடுத்திருக்கின்றது. ஆனாலும் பாருங்கள் 2013க்கு ஆயுசு கெட்டி. புதிய வருடத்தில் காற்றடம் பதித்து விட்டது. அனைத்து தடைகள், ஏளனங்கள் மற்றும் மிகைப்படுத்தல்களைத் தாண்டி இனிமையாகப் பிறந்த புத்தாண்டிற்குத்தான் நாம் வாழ்த்துக்கூற வேண்டும்.

2012 இல்…

விரும்பியோ விரும்பாமலோ 2012ல் பல முக்கியமான நிகழ்வுகள் நடந்தேறிவிட்டன. உலக அரங்கிலும், உள்ளூர் அரங்கிலும், விஞ்ஞான சமூக தளங்களிலும் பல மாற்றங்கள் உருவாகிவிட்டன. கடந்த வருடத்தில் இதுவரை நான் கவனிக்காத அளவிற்கு பெண்கள் உரிமைகள் பற்றி பேச்சுக்கள் எழுந்த்துடன் பெண்களுக்கெதிரான பல வன்முறைகள் இலங்கை இந்தியாவில் கொடிகட்டப்பறந்தன. கடந்த வருடத்தில் உலகில் நடந்த சில முக்கியமான நிகழ்வுகளைக் கீழே வாசிக்கலாம். எதையும் தவற விட்டிருந்தால் அறியத்தாருங்கள் அதையும் சேர்த்துவிடலாம்.

அயர்லாந்தில் ஒரு இந்திய பல் வைத்தியர் கூட இந்த வருடத்தில் மரணமாக கருவில் சிசு அழிப்பிற்கு அயர்லாந்தில் இருந்த தடை காரணமானது. ஆயினும் எழுந்த எதிர்ப்பலைகள் காரணமாக அயர்லாந்து தன் கொள்கையையே மாற்றிக்கொண்டது.

சனவரி முதலாம் திகதி 2012 இல் இந்தியா மற்றும் பாக்கிஸ்தான் ஆகிய நாடுகள் தம்மிடம் இருக்கும் அணு சக்தி சம்பந்தமான நிலைகள் பற்றிய தகவல்களைப் பகிர்ந்து கொண்டதுடன் அந்த நிலைகளை இருவரும் தாக்குவதில்லை என்று முடிவிற்கு வந்தனர்.

sopa wiki
சனவரி 18ம் திகதி விக்கிப்பீடியா போன்ற பிரபல இணையத்தாளங்கள் அமெரிக்க அரசின் முன்மொழிந்த இணைய தணிக்கைச் சட்டத்தை எதிர்த்து தளத்தைக் கறுப்பாக்கி, நூதனமான முறையில் தங்கள் எதிர்ப்பை வெளியிட்டனர்.

பெப்ரவரி 17ம் திகதி பாக்கிஸ்தானில் பின்லாடன் ஒழிந்து இருந்த வீட்டை பாக்கிஸ்தானிய அரசு இடித்து தரைமட்டமாக்கியது.

மார்ச் 15ம் திகதி சனல் போர் வெளியிட்ட காட்சிகாரமாக மீளவும் சர்ச்சை எழுகின்றது. ஆயினும் இலங்கை அரசு மீளவும் குற்றச்சாட்டுகளை மறுத்துவிட்டது.

அனைவரையும் ஆச்சரியப்படுத்தும் ஒரு வேலையையும் சீனா இக்காலப் பகுதியில் செய்த்து. ஜம்மு, காஷ்மீர் பகுதிகளில் இருந்து வரும் பயனிகளுக்கு சீனா தனது விசாவை வழங்கியது (Stapled Visa). ஆயினும் இந்த நடைமுறையை தான் தொடர்வதை நிறுத்திவிட்டதாக சீனா ஒத்துக்கொண்டது.

ஏபரல் 13ம் திகது இந்தி திரையுலகின் சுப்பர்ஸ்டார் ஷாருக்கானை அமெரிக்காவின் நிவ்யோர்க் விமான நிலையத்தில் பாதுகாப்பு அதிகாரிகள் 2 மணிநேரம் தடுத்துவைத்தனர். இதற்கு காரணம் அவர் முஸ்லிமாக இருந்தமையே என்று பின்னர் பத்திரிகைகளில் அறிவிக்கப்பட்டது.

Facebook_IPO
மே 18ம் திகதி பேஸ்புக் பங்குகள் பங்குச் சந்தையில் விற்பனைக்கு விடப்பட்டன.

sarath-fonseka
மே 20ம் திகதி முன்னார் ஜெனரல் சரத்பொன்சேகா சிறையில் இருந்து அதிபர் மகிந்த இராஜபக்சவினால் விடுதலை செய்யப்படுகின்றார். ஆயினும் இராணுவத் தரங்கள் பறிக்கப்பட்டுள்ளதோடு அவர் தேர்தலில் போட்டியிடும் உரிமையும் இரத்துச்செய்யப்பட்டுள்ளது.

vidya-ranbir-iifawinner
ஜூன் 9ல் நடந்த IIFA திரைப்பட விழாவில் வித்தியா பாலன் சிறந்த நடிகைக்கான விருதை டேர்ட்டி பிக்சர் திரைப்படத்தில் நடித்தமைக்காகவும் ரன்பிர் கபூர் சிறந்த நடிகரிற்கான விருதை ரொக்ஸ்டார் திரைப்படத்தில் நடித்தமைக்காகவும் பெற்றுக்கொண்டனர்.

ஜெலி பீன் அன்ரொயிட் 4.1
ஜெலி பீன் அன்ரொயிட் 4.1

ஜூன் மாதம் நடைபெற்ற கருதரங்கில் கூகிள் தனது புதிய படைப்புகளை அறிமுகம் செய்துவைத்தது. இதன் போது தமது அன்ரொயிட் இயங்கு தளத்தின் புதிய பதிப்பான ஜெலிபீனையும் அறிமுகம் செய்து வைத்தமை முக்கியமான ஒரு நிகழ்வாகும்.

ipad mini
அக்டோபர் மாதம் அப்பிள் நிறுவனம் தமது புதிய ஐபாட் பதிப்பை அறிமுகம் செய்து வைத்தனர். குறைந்த விலையில் தொடுதிரை கணனிகள் சந்தையில் இது ஒரு புரட்சி செய்யும் என எதிர்பார்க்கப்பட்டது. ஆயினும் கூகிளின் நெக்ஸஸ் 7 மற்றும் சாம்சுங் டப் போன்றவை விற்பனையில் கணிசமான பங்கைத் தொடர்ந்தும் கைப்பற்றி வருகின்றன.

ஸ்டீவ் சினோவ்ஸ்கி
முன்னாள் வின்டோஸ் தலைவர்

மைக்ரோசாப்டின் வின்டோஸ் பிரிவின் தலைவரான ஸ்டீபன் சினோவ்ஸ்கி நிறுவனத்தில் இருந்து விலகிக்கொண்டதும் இதே காலப்பகுதியில் நடந்தேறிய ஒரு முக்கிய நிகழ்வாகும்.

2012ம் ஆண்டில் அமெரிக்காவின் உள்ளூர் கச்சா எண்ணை தயாரிப்பு பல்மடங்கு பல்கிப் பெருகத் தொடங்கியது. இன்னும் இரண்டு வருடங்களில் சவுதிஅரேபியாவை விட அதிகமாக அமெரிக்கா எண்ணை தயாரிக்கும் என்று எதிர்பார்க்கப்படுகின்றது.

obama
நவம்பர் மாதம் அமெரிக்காவின் அதிபராக மீளவும் ஒபாமா தெரிவு செய்யப்பட்டார். இவரிற்கு எதிராகப் போட்டியிட்ட மிட் ரொம்னி மண்ணைக் கவ்விக்கொண்டார். தேர்தலில் வெற்றிபெற்றாலும் ஒபாமாவிற்கு முன்னால் வேலைவாய்ப்பின்மை, பொருளாதாரப் பிரைச்சனை என பல பூதங்கள் பல்லைக்காட்டிச் சிரித்துக்கொண்டு இருக்கின்றன.

2013 ஐ நோக்கி…

2013ம் ஆண்டு பல வகையில் முக்கியம் பெறும் ஒரு ஆண்டாக அமையும் என்பதில் சந்தேகமேயில்லை. குறிப்பாக தொழில்நுட்பத்துறையில் பல முன்னேற்றங்களை நாம் காணலாம் என்பது என் கணிப்பு. அதை விட பொருளாதார நிலமைகள் தொடர்ந்தும் மந்தமாகவே இருக்கப்போகின்றன. இதைவிட ஈரானில் யுத்தம் மூண்டாலும் மூளலாம் அத்துடன் சிரிய யுத்தம் அமெரிக்க நேரடித் தலையீடுடன் முடிவடையலாம் அல்லது தொடர்ந்தும் பெரும் உயிர், பொருளாதாரச் சேதங்களை ஏற்படுத்தலாம்.

அதைவிட மிக முக்கியமான செய்தி 2013ம் ஆண்டு ஜனவரி மாதம் 25ம் திகதி மயூரேசனின் திருமணவைபவம் கூட நடைபெற இருக்கின்றது. அனைவரும் வந்து சிறப்பித்திடவும். 🙂

அமெரிக்க இராணுவத்தின் கறுப்பு பக்கம்

அமெரிக்க உள்நாட்டு யுத்தத்திற்கு மிக முன்பே 1700 களில் இருந்தே பெண்கள் அமெரிக்க இராணவத்தில் பணியாற்றுகின்றனர். ஆயினும் அப்போது அவர்கள் பெரும்பாலும் தாதிப்பெண்களாகவே பணியாற்றினர். 19ம் நூற்றாண்டின் பின்னர் பெண்கள் அமெரிக்க இராணுவத்தினுள் நேரடியாக உள்வாங்கப்பட்டனர். தற்போது அமெரிக்க இராணுவத்தில் சுமார் 14 வீதம் பெண்களே. ஆயினும் பிற் காலத்தில் பல கசப்பான உண்மைகள் வெளிவரத் தொடங்கியது.

பெண் வீராங்கனைகள்

அதாவது அமெரிக்க இராணுவத்தில் பணிபுரியும் பெண்களில் 20 வீதமான பெண் இராணுவ வீராங்கனைகள் பாலியல் ரீதியாகத் துன்புறுத்தப்பட்டிருக்கின்றனர். சில ஆய்வுகள் இது 40 வீதம் வரை இருக்கலாம் என்றும் அதிர்ச்சியூட்டுகின்றது.

பாதிக்கப்பட்ட பல இராணுவ வீராங்கனைகளின் நீதி கோரல் நடவடிக்கைகள் வம்புக்கே காலதாமதம் செய்யப்பட்டுள்ளது அல்லது அதன் உச்சக்கட்டமாக இது வெறும் கட்டுக்கதை என்று கூறி புகார் செய்ய வந்தவரிற்கே எதிராக வழக்கு திசை திருப்பப்பட்ட விசித்திரங்களும் ஏற்பட்டுள்ளது.

சில தரவுகள்

பல பெண்கள் போதையூட்டப்பட்டு வன்புணரப்பட்டுள்ளனர். சிலர் உயர் அதிகாரிகளால் வலக்கட்டாயமாக சாராயம் வகைகளை குடிக்க வைத்து அதன் மூலம் பெண் இராணுவ வீராங்கனைகளை தங்கள் இச்சைக்கு படிய வைத்தனர். ஒரு கொடூரன் தனது சக வீராங்கனையை ஹொட்டேல் அறையில் அடைத்து வைத்து இரண்டு வாரங்கள் வன்புணர்ந்த சம்பங்களும் நடந்துள்ளது. ஆனாலும் அந்த நபரிற்கு எதிராக நடவடிக்கை எடுக்க அமெரிக்க கடற்படை இரண்டு வருடங்களிற்கு மேல் எடுத்தது என்பது கொடுமையிலும் கொடுமை.

சரி பெண்களிற்குத்தான் இந்தக்கொடுமை என்று பார்த்தால் மறுபக்கம் ஆண்களும் வன்புணர்விற்கு உற்படுத்தப்பட்ட பல சம்பவங்கள் பதிவுசெய்யப்பட்டுள்ளன. மனோவியல் ரீதியாகப் பார்க்கும் போது இது ஓரினச்சேர்க்கையாளர்களின் வேலை என்று வகைப்படுத்த முடியாது என்று கூறப்படுகின்றது. மாறாக குரூரமும் ஆதிக்க மனப்பாண்மையும் கொண்ட ஆண்களால் இத்தகைய காரியங்கள் செய்யப்படுகின்றது எனக் கூறப்படுகின்றது.

இந்த நிகழ்வுகள் பற்றி வெளியே சொன்னால் கொன்றுவிடுவேன் என்று மிரட்டல்கள் வேறு.

மேலும் அதிர்ச்சியூட்டுகின்றது இன்னுமொரு புள்ளிவிபரம். அமெரிக்க கடற்படையில் புதிதாக இணைந்து கொள்ளும் வீரர்களில் சுமார் 15 வீதமானோர் படையில் இணையும் முன்னரே வன்புணர்வு அல்லது அதற்கான முயற்சியில் ஈடுபட்டவர்கள் என்றால் பார்த்துகொள்ளுங்களேன். அப்புறம் எப்படி விளங்கும்??

சாதாரணமாக அமெரிக்க சிவில் நிர்வாகத்திற்கு உட்பட்ட ஒரு அமெரிக்க குடிமகனிற்கு எதிராக பாலியன் வன்முறை நிகழ்த்தப்பட்டால் அவர் நேரடியாக பொலீஸ் அல்லது நீதித்துறையை நாடி குற்றவாளியை நீதியின் முன் கொண்டுவரலாம். ஆனால் இராணுவத்தில் அவ்வாறல்ல. குற்றம் சுமத்தப்பட்டவரை என்ன செய்வது என்பதை கட்டளை அதிகாரிகளும் இராணுவ நீதி மன்றமுமே முடிவு செய்யும். சிவில் சட்டத்திட்டங்களுக்கு இராணுவத்தினுள் அவ்வளவாக அதிகாரம் கிடைப்பதில்லை என்பதே மேலும் பயங்கராமான தகவல்கள். இப்போது புரிகின்றதா உலகில் ஏன் இத்தனை இராணுவப் புரட்சி என்ற பேரில் கொடுமைகள் நடந்தேறுகின்றன என்று.

இது பற்றி அமெரிக்க ஊடங்களில் பெருமெடுப்பின் அவ்வப்போது கூறப்பட்டாலும் ஒசாமா பற்றிய நிகழ்வுகளிற்குத் தரும் முக்கியத்தை இது போன்ற நிகழ்வுகளுக்கு வழங்க அமெரிக்க ஊடகங்கள் அவ்வளவாக அக்கறை கொள்ளவில்லை. காங்கிரஸ் கூட இராணுவ அதிகாரிகளை நேரில் அழைத்து விசாரித்தது. ஆயினும் தாங்கள் இது பற்றிய விசாரணைகளை ஆரம்பித்துள்ளதாகக் கூறி அவர்கள் தப்பித்துக்கொண்டனர். தொடர்ந்தும் தப்பித்து வருகின்றனர்.

உசாத்துணைகள்

இலங்கையில் ஜப்பானியத் தாக்குதல்

உலக யுத்தம் இரண்டு உலகையே உலுக்கிப் போட்ட ஒரு யுத்தம். சுமார் 60 மில்லியன் மக்களின் உயிரைக் குடித்த யுத்தம் அது. அறுபது மில்லியன் எனப்படும் கணக்கு மிகப் பெரியது. அதாவது உலகத் தமிழர்களின் மொத்த எண்ணிக்கை. அல்லது இலங்கை மக்கள் தொகையின் மூன்று மடங்கு ஆகும். உலக யுத்ததில் இலங்கையில் நடந்த சில சம்பவங்களைப் பார்க்க முன்னர், உலக யுத்தம் II இல் நடந்தது என்ன என்று பார்ப்போம்.

மேற்கில் நாடு பிடிக்கும் ஆர்வத்துடனும் முதலாம் உலக யுத்தத்தால் ஏற்பட்ட அவமானம், கடனைத் துடைக்கவும் ஹிட்லர் தலைமையில் ஜேர்மனி ஐரோப்பிய நாடுகளை ஆட்டிப் படைத்தது. சாடிக்கேற்ற மூடி போல முசோலினி தலைமையில் இத்தாலியும் தன்பாட்டிற்கு சேர்ந்து ஆடியது. போலந்தில் தொடங்கி பிரான்சு வரை பல நாடுகளைப் பிடித்து ஹிட்லர் சாதனை படைத்தான். யாராலும் அசைக்க முடியாது என்று நினைத்திருந்த பிரான்சைக் கூட தனது இராணுவ தந்திரத்தால் ஹிட்லர் வீழ்த்தினான். துண்டைக் காணோம் துணியைக் காணோம் என்று ஓடிய பிரஞ்சு அதிபர் கண்ணீர் விட்டுக் கதறி அழுதாராம். அப்போது ஆறுதலுக்கு பிரித்தானியா மட்டுமே இருந்தது. அமெரிக்கா இறுதிக் காலம் வரை ஏதோ தனது யுத்தம் இல்லை என்று ஓரமாக இருந்தது.

கொடியை உயர்த்தும் இரசியப் போர்வீரன்
ஓங்கியிருந்த ஹிட்லரின் கை சோவியத் படையெடுப்பில் தான் நோகத் தொடங்கியது. இரும்புத் திரையால் மூடப்பட்டிருந்த சோவியத் ருசியாவின் மீது ஹிட்லரின் பார்வை திரும்பியது. ஆனானப் பட்ட பிரஞ்சு நாடே என் காலடியில் இந்த பாட்டாளிக் கூட்டம் நிறைந்த ருசியா எமது பலம் பொருந்திய படையை என்ன செய்ய முடியும் என்று மமதையோடு ஹிட்லரின் நாசிப் படை முன்னேறியது.

ஆரம்பத்தில் வீரியமாக முன்னேறினாலும் சோவியத் படைகள் தமது உக்கிரமான மறு தாக்குதலைத் தொடங்கினார்கள். அத்துடன் தான் பின்னோக்கி நகரும் போது உணவுக் களஞ்சியங்கள், பண்ணை நிலங்கள், கால் நடைகள், உட்கட்டுமானங்கள் என்பவற்றை தாமே அழித்துக்கொண்டு பின் நகர்ந்தார்கள். இந்த நடவடிக்கையை ஒப்பரேசன் பாபரோசா என்று இன்றும் சிலாகித்து ருசியர்கள் பேசிக்கொள்வார்கள்.

முன்னேறிய நாசிப்படையின் நிலை பரிதாபமானது. உணவுத் தட்டுப்பாடு மட்டுமே என்றால் பரவாயில்லை கடுமையான குளிர்க்காலமும் இரசியாவில் ஆரம்பமானது. -50 டிகிரி வரை குளிர் இருக்கும் என்றால் பாருங்களேன். உணவு, குளிர் மட்டும் பிரைச்சனை என்றால் இல்லை. இரசியப் படை கடுமையான எதிர்த்தாக்குதலை நடத்தத் தொடங்கியது.

நொந்து நூடில்சாகி பின்வாங்கலாம் என்று நினைத்தால் அதற்கு ஹிட்லரின் அனுமதியில்லை. செய் அல்லது செத்து மடி என்று கட்டளையிட்டுவிட்டார். ஜேர்மானியப் படைகளின் நிலைமையோ கவலைக்கிடம்.

வெடித்துச் சிதறும் அமெரிக்க கடற்படைக் கப்பல்

இதேவேளையில் சும்மா கிடந்த சங்கை ஊதிக்கெடுத்தானாம் ஆண்டியென்று ஜப்பான் பேர்ல் துறைமுகத்தின் மீது தாக்குதல் நடத்தித் தொலைத்தது. டிசம்பர் 7, 1941 காலை ஐப்பானிய கடற்படை விமானங்கள் பேர்ல் துறைமுகத்தின் மேலாகப் பறந்து அதிரடித் தாக்குதல் நடத்தத் தொடங்கியது. இரண்டு அலையாக வந்த 353 ஐப்பானிய விமானங்கள் துறைமுகத்தை நொருக்கியது. இதில் 188 அமெரிக்க விமானங்கள் நொருக்கப்பட்டதுடன் சுமார் இரண்டாயிரம் அமெரிக்கத் துருப்பினர் கொல்லப்பட்டனர்.

இந்த தாக்குதல் அமெரிக்கரை உலக யுத்தத்தில் பங்குபெறுமாறு வலியுறுத்தும் தன்மையைப் பலப்படுத்தியது. போர் கூடாது என்று முழங்கிய சராசரி அமெரிக்கனும் பழிக்குப் பழி என்று போர் கொடி தூக்கினான். டிசம்பர் 8, 1941 இல் அமெரிக்க அதிபர் பிராங்கிளின் ரூஸ்வெல்ட் அமெரிக்கா ஐப்பானுக்கு எதிரான போர்பிரகடனத்தைச் செய்தார். அதைவிட இந்த நிகழ்வின் மூலம் அமெரிக்கா உலக யுத்தம் இரண்டில் உத்தியோக பூர்வமாக நுழைந்துகொண்டது. இது வரை ஆயுதங்களை விற்பனை செய்து எரியும் வீட்டில் பிடுங்கும் வேலை செய்த அமெரிக்கா இப்போது தன் வீட்டிலும் நெருப்பு பற்றிக் கொண்டதை உணர்ந்துகொண்டது.

அமெரிக்காவின் நுழைவு பிரித்தானியாவின் தலைமையினால நேச அணிகளிற்கு பலம் சேர்த்தது. ஏற்கனவே சரமாரியாக சோவியத் இராணுவத்திடம் வாங்கிக்கட்டிய ஜேர்மன் தலைமயிலான அச்சு அணிக்கு சறுக்கலாக அமைந்தது.  உலகின் மாபெரும் சக்தியாக இருந்த பிரஞ்சு பிரித்தானிய இராச்சியங்கள் தம் சோபை இழந்தது இந்த உலக யுத்தத்தினால்தான் அதைவிட அமெரிக்கா மற்றும் சோவியத் ருசியா மாபெரும் சக்திகளாக எழுச்சி கொண்டதும் இந்த உலக யுத்தத்தினால்தான்.

இரண்டாம் உலக யுத்தத்தில் என்ன நடந்தது என்பதை சுருக்கமாக மேலே பார்த்துவிட்டோம். இனி இலங்கையில் இதன் தாக்கம் எப்படி இருந்தது என்று பார்ப்போம். அளவிலே இந்தியாவுடன் ஒப்பிடும் போது இலங்கை குறுனி எனபதனால் என்னவோ இலங்கையின் பங்களிப்பு அவ்வளவாகப் பேசப்படுவதில்லை. எனது மாமனார் இலங்கையின் போர் வீரர்கள் உலக யுத்தத்தில் சாப்பாட்டு பொதி பொறுக்கும் வேலையையே செய்தார்கள் என்று சொல்லிச் சிரிப்பது இன்றும் எனக்கு ஞாபகமாக உள்ளது.

இலங்கையில் உலக யுத்தத்தின் தாக்கம் ஐப்பானியரின் கொழும்பு, திருகோணமலை குண்டு வீச்சின் பின்னர்தான் உணரப்பட்டது. இவ்வாறு குண்டுவீசக் காரணம் பிருத்தானிய கடற்படையின் கிழக்குத் தலைமையகம் இலங்கையில் அமைத்தமையே. சிங்ப்பூர் ஐப்பானியர் வசம் வீழ்துவிடவே பிரித்தானியர் இலங்கையின் கொழும்பையும் பின்னர் திருகோணமலையையும் தங்கள் கடற்படைத் தலமையகமாக மாற்றியமைத்தனர். யாராலும் இலகுவில் தகர்த்த முடியாது என நம்பப்பட்ட பிரின்ஸ் ஓப் வேல்ஸ் மற்றும் ரிபல்ஸ் ஐப்பானியர்களால் தகர்ந்து நீரில் மூழ்க வைக்கப்பட்டது. மலாயாவில் நடந்த இந்தச் சண்டையில் ஜப்பானியர்கள் கை ஓங்க அவர்கள் வசம் இருந்த விமானத் தாங்கிக் கப்பலே காரணம். இந்த தாக்குதலின் பின்னரே பிரித்தானியா வெறும் பலமான கடற்படை மட்டும் இருந்து பிரயோசனம் இல்லை விமானம் தாங்கிக் கப்பல்கள் மிக அவசியம் என்று உணர்ந்து கொண்டது. சிங்கர்பூர் வீழ்ச்சியின் பின்னர் அவசரம் அவசரமாக இலங்கையில் பல விமான ஒடுதளங்கள் அமைக்கப்பட்டன. அதைவிட இரத்மலானை, கொக்கலை போன்ற இடங்களில் விமானப் படைத்தளம் அமைக்கப்பட்டது. மேலும் முன்னரே அமைக்கப்பட்டிருந்த திருமலை, சீனன்குடா விமானப்படைத்தளமும் பலப்படுத்தப்பட்டது.

திருமலை கொழும்பு குண்டுவீச்சு நிகழ்வுகளைப் பார்க்க முன்னர் இந்த நிகழ்வின் தாக்கத்தையே மாற்றியமைத்த ஒருவரைப் பற்றி சில வரிகள் எழுதவேண்டும்.

லியனார்ட் பிர்சால் (Leonard Birchall) ஒரு கனேடிய விமான ஓட்டி. சிறுவயதில் இருந்தே இவரிற்கு பறக்கும் ஆசை. ஒந்தாரியோ மானிலத்தில் பிறந்த இவர் 1933 இல் ரோயல் கனேடிய இராணுவக் கல்லூரியில் படித்துப் பட்டம் பெற்றார். 1937 இல் தனது பயிற்சியை முடித்து கனேடிய றோயல் விமானப் படையில் விமான ஓட்டியாக இணைந்து கொண்டார்.

கண்காணிப்பு பணிக்குச் செல்ல முன்னர் லியனார்ட்

ஷெட்லான்ட் தீவுகளில் தனது பணியை ஏற்றுக் கொண்ட லியோனாட் பின்னர் ஐப்பானியர்கள் தென் கிழக்கு ஆசிய நாடுகளைக் கைப்பற்றத் தொடங்கியதும் இலங்கைக்கு மாற்றப்பட்டார். இலங்கையில் பறந்து கண்காணிப்புச் செய்யும் பணியில் இவர் ஈடுபட்டார். விரைவில் இலங்கையில் தான் பெரும் தீரச் செயலை நிகழ்த்தப் போகின்றோம் என்று அவரிற்குத் தெரிந்திருக்க வாய்ப்பில்லை.

4 ஏப்ரல் 1942 அன்று லியனார்ட் கொக்கலை பிரதேசத்தில் இருந்து பறக்கும் படகு (அதுதான் நீரில் தரையிறங்கும் விமானம்) கட்டலீனாவில் ஏறிப் பறக்கத் தொடங்கினார். சுமார் வானத்தில் எட்டு மணி நேரங்கள் சுற்றி கண்காணிப்பு பணியில் ஈடுபட்டார் லியனாட். அப்படியே இலங்கையின் தென் கடலைச் சுற்றிப் பறந்து பின்னர் தரை நோக்கித் திரும்ப விழையும் நேரத்தில் தொடுவானத்தில் விரிந்த காட்சி இவரை அதிர்ச்சிக்கு உள்ளாக்கியது.

பெரிய ஐப்பானியக் கடற்படைத் தொகுதி ஒன்று இலங்கை நோக்கி விரைந்துகொண்டிருந்தது. இதில் ஐந்து விமானந் தாங்கிக் கப்பல்களும் இருந்தது. பர பரப்பான லியனாட் தனது விமானத்தில் இருந்த சக வீரர்கள் மூலம் தரைக்கு தகவலை விரைந்து தெரிவித்தார்.

இவர்களின் விமானத்தைக் கண்ட ஐப்பானிய கப்பல் தமது கப்பலில் இருந்து தாக்குதல் விமானத்தை ஏவி லியனார்ட்டின் விமானத்தை நோக்கிச் சுடத்தொடங்கியது. வெறும் கண்காணிப்பு விமானம் என்பதனால் திருப்பிச் சண்டை கூடப் போட முடியாமல் சூடு பட்டு கடலில் வீழ்ந்தது லியனார்ட் பயனித்த கட்டலீனா இரக விமானம்.

இலங்கையில் ஜப்பானியர் நடத்திய தாக்குதல் பற்றிய ஒரு அனிமேசன் வீடியோவை மேலே இட்டுள்ளே அதையும் காணுங்கள்.

லியனார்ட் அறிவித்தல் கரையை தக்க நேரத்தில் வந்து அடைந்தது. தகவல் கிடைத்ததும் பதில் தாக்குதலுக்கு ஆயத்தங்கள் செய்யப்பட்டதுடன் துறைமுகப் பகுதியில் இருந்து சரக்குகள் அவசரமாக அகறப்பட்டது. ஆனாலும் மறுநாள் ஏப்ரல் 5 அன்று ஐப்பானியர்கள் தமது விமானங்கள் மூலம் கொழும்பு துறைமுகத்தை தாக்கினார்கள். பல பிரித்தானியக் கப்பல்களை துறைமுகத்தில் தரித்து நிற்கும் என்று எண்ணி வந்த ஐப்பானியர்களுக்கு ஒரே ஏமாற்றம். நின்றதோ வெறும் மூன்று கப்பல்கள்தான். ஏனைய கப்பல்கள் ஏற்கனவே மாலைதீவில் நின்றிருந்தன. அவை தமது றேடியோ சமிக்சைகளைப் பாவிக்காததால் அவற்றின் உண்மையான இடம் ஐப்பானியக் கப்பல்களால் அறியமுடிவில்லை.

பேர்ல் ஹாபர் தாக்குதலிற்கு சமனான ஒரு தாக்குதலை நடத்த ஜப்பான் நினைத்திருந்தாலும் தாக்குதல் நடத்துமளவிற்குப் பெரியளவில் எதுவும் துறைமுகத்தில் இருக்கவில்லை. இந்த தாக்குதலை சிறப்பாக நடத்த பேர்ல் துறைமுகத் தாக்குதல் நடத்திய பல விமானிகள் அழைத்து வரப்பட்டனர் என்பதையும் குறிப்பிடவேண்டும். மேலும் பேர்ல் துறைமுகத் தாக்குதலை தலமை ஏற்ற தளபதி மிட்சோ புசிடாவே இந்தத் தாக்குதலையும் நடத்தினார். தொடர்ந்து இலங்கையில் ஒரு தரையிறக்கத்தை ஜப்பானியர்கள் நடத்த நினைத்திருந்தாலும் பிரித்தானிய மற்றும் டச்சு கடற்கலங்கள் இந்த நடவடிக்கையை தடுத்து நிறுத்தின.

சுட்ட வீழ்த்தப்பட்ட ஒரு விமானத்தின் பாகம்

காலை 7.30 க்கு ஜப்பானிய விமானங்கள் தாக்குதலைத் தொடங்கின. ஜப்பானிய சீரோ ரக விமானங்களை றோயல் விமானப்படையின் குரிகேன் இரக விமானங்கள் வழிமறித்துத் தாக்குதல் நடத்தின. தாக்குதல் காரணமாக சுமார் 424 பிரித்தானியப் படைகள் இறந்ததுடன் 1120 பேர் கடலில் பலநேரம் தத்தளித்தனர். இதைவிட மேலும் 27 விமானங்களையும் ஜப்பானியர்கள் அழித்தனர். கொலன்னாவையில் உள்ள எண்ணைக் குதம் என எண்ணி அங்கோடையில் உள்ள மனநலம் பாதிக்கப்பட்டோரின் புணர்வாழ்வு மையத்தையும் ஜப்பானிய விமானங்கள் தாக்கின.

மறுநாள் இலங்கையின் டெய்லி மிரர் செய்தித்தாள் 75 விமானங்கள் கொழும்பு நகரைத் தாங்கியதாகவும் அதில் 25 விமானங்கள் சுட்டவீழ்த்தப்பட்டதாகவும் செய்திவெளியிட்டது.

ஐந்தாம் திகதி கொழும்பில் தாக்குதல் நடத்திய ஜப்பானியர்கள் சும்மா இருக்காது இப்போது இலங்கையில் கிழக்குப் பகுதியைக் குறிவைத்தார்கள். அங்கேதான் திருகோணமலை நகரம் அமைந்துள்ளது. திருகோணமலையில் முன்பே கூறியபடி பிரித்தானியாவின் கிழக்கு கட்டளை மையம் இயங்கியது. 9 ஏபரல் 1942 இல் திருகோணமலையைத் தாக்கத் தொடங்கியது ஜப்பானிய விமானப்படை. இந்த சமரில் சுமார் எட்டு ஹூரிகேன் இரக விமானங்களை றோயல் விமானப்படை இழந்தது. ஜப்பான் தனது 5 குண்டுவீசும் விமானகங்ளையும் 6 யுத்த விமானங்களையும் இழந்தது.

ஜப்பானியப் பிரசன்னம் பற்றி முதலே தகவல் கிடைத்த காரணத்தால் திருத்த வேலையில் அமர்த்தப்பட்டிருந்த எச்.எம்.எஸ்.ஹேர்ம்ஸ் எனும் கப்பல் தப்பியோட முயன்றது. ஆனாலும் அந்தக் கப்பலைக் கண்ட ஜப்பானிய விமானி ஒருவன் தகவல் கொடுக்கவே பாதுகாப்பு எதுவுமற்ற இந்தக் கப்பலைத் தாக்கி ஜப்பானிய விமானங்கள் மூழ்கடித்தன.

இதேவேளை திருமலையின் சீனக் குடாப் பகுதியில் உள்ள எண்ணைக் குதங்களை ஜப்பானியரின் தற்கொலைத் தாக்குதல் விமானம் தாக்கியது. இந்த விமானத்தில் மூன்று ஜப்பானியர்கள் பயனம்செய்தார்கள் என்பதைக் குறிப்பிடவேண்டும். இந்த தீயை அடக்க மொத்தம் ஏழு நாட்கள் ஆனதாம்.

இலங்கையை அன்று ஜப்பானியர்கள் கைப்பற்றியிருந்தால் உலக யுத்தம் மேலும் தீவிரம் அடைந்திருக்கலாம். அப்படியே ஜப்பானியர்கள் இந்தியாவினுள்ளும் புகுந்திருப்பார்கள். இலங்கையை ஜப்பான் கைப்பற்ற முயன்ற தருணத்தை பிருத்தானிய பிரதமர் “உலக யுத்தம் இரண்டில் மிகப் பயங்கரமான தருணம்” என்று குறிப்பிட்டார்.

“The most dangerous moment of the War, and the one which caused me the greatest alarm, was when the Japanese Fleet was heading for Ceylon and the naval base there. The capture of Ceylon, the consequent control of the Indian Ocean, and the possibility at the same time of a German conquest of Egypt would have closed the ring and the future would have been black.”
– Sir Winston Churchill

முன்னர் அரைவாசியில் விட்ட லியனார்ட்டிற்கு பின்னர் என்ன ஆனது என்று பார்ப்போம். லியனார்ட் மற்றும் ஒரு விமானப் பணியாளரை ஐப்பானியர்கள் சிறைப்படித்துக் கொண்டனர். ஐப்பானியர்கள் கையில் மாட்டினால் மரணம் நிச்சயம். கைது செய்யப்பட்ட லியனார்ட் யுத்தம் நிறைவு பெறும் வரை யுத்தக்கைதியாகவே இருந்தார். சுமார் நான்கு ஆண்டுகள் ஐப்பானியச் சிறையில் வாடினார்.

இவரின் வீரச் செயல் இலங்கையுடன் நின்றுவிடவில்லை. ஐப்பானிய போர்க்கைதியாக இருக்கும் போதும் சக போர்க் கைதிகளின் நலனிற்காகச் செயற்பட்டதுடன் ஜெனீவா ஒப்பந்தப்படி போர்க்கைதிகள் நடத்தப்பட வேண்டும் என்றும் கோரினார். இவர் இந்தக் காலத்தில் எழுதிய நாட்குறிப்பு பிற்காலத்தில் நேச நாடுகள் நடத்திய பல போர்க்குற்ற விசாரணைகளில் பயன்பட்டது.

முதல் இரண்டு வருடங்களும் இவருடைய மனைவி டோர்த்தி இவர் உயிருடன் இருக்கின்றாரா இல்லையா என்று தெரியாமல் வாடினார். ஆயினும் பிற்காலத்தில் அவரது கணவர் உயிருடன் ஐப்பானியர்களால் பிடிக்கப்பட்டு உள்ளார் என்று அறிந்துகொண்டார்.

27 ஆகஸ்ட் 1945இல் அமெரிக்கப்படையினரால் லியனார்ட் மீட்கப்பட்டார். 1967 வரை தொடர்ந்து கனேடிய இராணுவத்தில் பணியாற்றிய லியனார்ட் 1994 இல் இலங்கையில் நடந்த தேர்தலில் சர்வதேசக் கண்காணிப்பாளராகவும் பணியாற்றினார். தனது 89 ஆம் வயதில் இறையடி சேர்ந்தார். இவரின் மகத்தான பணியை மெச்சி பிரித்தானிய பிரதமர் இலங்கையின் இரட்சகன் (The Saviour of Ceylon) என்று பாராட்டினார்.

PayPal ஐ தடை செய்த இந்தியா

கடந்த செவ்வாய்க்கிழமை பேபால் தனிப்பட்ட பயனர்களின் பணப் பரிமாற்றம் இடை நிறுத்தபட்டிருந்தது. இதற்கு காரணம் இந்திய சட்டங்களுடன் ஏற்பட்ட ஒரு குழப்பமே என்றும் பேபால் அறிவித்திருந்தமை நாம் அறிந்த விடையமே.

இந்நிலையில் இந்தியாவில் பேபாலை இந்திய மத்திய ரிசர்வ் வங்கி தடை செய்துள்ளது. இதற்கு கூறப்பட்ட காரணம் பேபால் இந்திய மத்திய ரிசர்வ் வங்கியில் தன்னைப் பதிந்து கொள்ளவில்லை என்பதே.

இணையத்தில் பணப் பரிமாற்றம் செய்யும் பாதுகாப்பான முறைகளில் ஒன்றே பேபால். பாதுகாப்பு கூடிய முறை என்பதுடன் பலராலும் பரந்தளவில் பயன்படுத்தப்படும் முறையும் இதுதான் என்று கூறினால் மிகையாகாது.

இந்த தடைமூலம் இணையத்தில் பேபால் பாவிக்கும் இந்தியர்கள் பெரும் பிரைச்சனைகளை அடையப் போகின்றனர். இலங்கை போன்ற நாடுகளில் பேபால் முழுமையான சேவையை வழங்கவில்லை. இலங்கை பேபால் பயனர்கள் பணத்தை மற்ற பயனர்களுக்கு அனுப்பும் வசதியுண்டு ஆனால் அங்கிருந்து பேபால் பணத்தை பெறும் வசதியில்லை. ஆயினும் இருபக்க கொடுக்கல் வாங்கல் வசதி இந்திய பேபால் பயனர்களுக்கு வழங்கப்பட்டிருந்தமை குறிப்படித் தக்கதாகும்.

எது எவ்வாறிகினும் பேபால் தம்மை பதிவு செய்துகொண்டால் மீள இந்தியாவில் இயங்கலாம் என்று மத்திய ரிசர்வ் வங்கி அறிவித்துள்ளது.

Twitter மூலம் நட்சத்திரமான 16 வயது சிறுவன்

16 வயதே நிரம்பிய Twitter புலி

ட்விட்டரில் அரட்டையடித்து நேரம் வீணாக்கும் காங்கோன் போன்றவர்கள் இருக்கும் உலகில் உருப்படியான வேலைகளை செய்து பெயரெடுக்கும் நபர்களும் இருக்கத்தான் செய்கின்றார்கள்.

அமெரிக்காவில் இருக்கும் Adorian Deck எனும் 16 வயது மட்டுமே நிரம்பிய பாலகன் ட்விட்டர் கணக்கு ஒன்றை ஆரம்பித்து அதில் திகைக்கவைக்கும் தகவல்களைப் போடத்தொடங்கினான். OMGFacts (Oh My God) எனும் அடைபெயருடன் இவன் கடந்த செப்டம்பர் மாதம் ஆரம்பித்த ட்விட்டர் கணக்கில் அறிவியல், கணக்கியல், வரலாறு பூகோளம் போன்றவற்றில் இருந்து திகைக்கவைக்க கூடிய தகவல்களை வெளியிட்டு வந்தான்.

இந்த ட்விட்டர் கணக்கு பிரபலமாக பல பிரபலங்களும் இவனைப் பின்தொடரத்தொடங்கினமை மேலும் சிறப்பு. இதுவரை சுமார் 310,000 க்கும் மேற்பட்ட பின்தொடர்பவர்களைக் கொண்டுள்ள இந்தச் சிறுவன் ஒரு ட்விட்டர் நட்சத்திரம் ஆகிவிட்டான்.

OMGFacts இலச்சினை

16 வயது தம்பி போட்ட சில ட்விட்டர் சாம்பிள்களைக் கீழே பாருங்கள்

All swans in England are the property of the queen or king.

In 1770, a bill proposing that women using makeup should be punished for witchcraft was put forward to the British Parliament.

Orgies were originally religious events. They were originally offerings to the gods.

இவன் எழுதிய சில தனி நபர்கள் பற்றிய ட்விட்கள் சர்ச்சைகளையும் கிளப்பியுள்ளது.

ABC செய்திகளில் இது பற்றிய செய்தி.

கூகிள் – சீனா பிரைச்சனை தீராப் பிரைச்சனையாகுமா??

இதற்கு முன்னர் கூகிள் மற்றும் சீனா இடையில் ஏற்பட்ட கசப்பு பற்றி இரண்டு பதிவுகள் இட்டேன். இப்போது புதிய தகவல்கள் வந்துள்ளதால் மூன்றாவது பதிவும் தயார். கூகிள் மற்றும் சீன அரசுக்கிடையிலான தகராறு பற்றித் தெரியாதவர்கள் பின்வரும் இரண்டு பதிவுகளையும் வாசித்துவிட்டு இந்தப் பதிவை வாசிக்கவும்.

  1. தகவல் உரிமை மற்றும் சீனாவை நேரடியாக சீண்டிய கூகிள்
  2. கூகுளுடன் இணைந்து இந்தியாவும் சீனாவை சீண்டியது

அண்மையில் கூகிளின் மின்னஞ்சல் சேவைக் கணக்கில் கைவைக்க முயன்ற சீன ஹக்கர்சால் பிரச்சனை ஆரம்பமாகியது. யாரும் எதிர்பார்க்காத வண்ணம் கூகிள் கடந்த டிசம்பர் மாதம் சீன மனித உரிமைக்காகப் போராடும் தனி நபர்களின் மின்னஞ்சல் கணக்குகளை சீன Hackers கைப்பற்ற முயன்றதாகத் தெரிவித்துள்ளது. இதன் விழைவாக தமது செயற்பாட்டை சீனாவில் நிறுத்த வேண்டி ஏற்பட்டாலும் அதற்கும் எதிர்பார்ப்பதாக கூகிள் அறிவித்தது.

பின்னர் டிசம்பர் 15ம் திகதி இந்தியப் பாதுகாப்பு ஆலோசகர் நாராயணனும் தன் பங்கிற்கு சீனாவைச் சாடினார். இந்திய அரசின் கணனிகளை சீன ஹக்கர்கள் PDF கோப்புகள் மூலம் Trojan முறையில் ஹக் செய்ய முயன்றதாகவும் தெரிவித்தார்.

இரண்டு குற்றச்சாட்டுகளையும் சீன அரசு வழமைபோல மறுத்திருந்தது. ஆனாலும் பின்னர் திரைமறைவில் பேச்சுவார்த்தைகள் நடந்துவருவதாக அறியக் கிடைக்கின்றது. கூகிள் ஒரு அமெரிக்க கம்பனி என்பதாலும் அமெரிக்க அரசுடன் இணைந்து கூகிள் நடவடிக்கை எடுத்த காரணத்தாலும் அமெரிக்கா இவ் விடையம் சம்பந்தமாக சீனாவுடன் மிக கடுமையான தொனியில் பேச்சுவார்த்தை நடத்தி வருவதாகத் தெரிகின்றது.

இது சம்பந்தமாக ஏற்கனவே ஹில்லாரி கிளிண்டன் கருத்துத் தெரிவித்திருந்தார்.

“It is also the case that we take this matter very seriously and, as Secretary of State Hillary Clinton said last week

இந்த குற்றச்சாட்டை சீனா மறுத்தாலும் இதற்கு சரியான பதிலைத் தரக்கூடிய பொறுப்பு சீனாவிடமே உள்ளது என்று அமெரிக்கா விடாப்பிடியாக உள்ளது. தொடர்ந்து அமெரிக்கா-சீனா பேச்சுவார்த்தைகள் திரைமறைவில் நடந்து வருகின்றது. இதன் விபரங்கள் வரும் வாரங்களில் வெளிவரும் என்று எதிர்பார்க்கலாம்.

கூகிளின் Nexus One தொலைபேசி

இதேவேளை தனது புதிய இரண்டு வகை கையடக்க தொலைபேசியை சீனாவில் வெளியிட்டு வைப்பதை கூகிள் தள்ளிவைத்துள்ளது. கூகிளின் எதிர்காலம் சீனாவில் என்ன வென்று தெரியாத இந்த நிலையில் பெரும் செலவில் வெளியிட்டுவைப்பதை கூகிள் விரும்பாமல் போனமை அதிசயம் இல்லை. சீனாவில் 700 மில்லியன் கையடக்கத் தொலைபேசிப் பாவனையாளர்கள் இருப்பதையும், சீனா இந்த துறையில் வேகமாக வளர்ந்து வருகின்றது என்பது இங்கே குறிப்பிடப் படவேண்டிய விடையம்.

இந்த பிரைச்சனையில் கூகிளுக்கு யாகூ ஆதரவு தெரிவித்துள்ளது. அதேவேளை மைக்ரோசாப்ட் இவ்வாறு கூகிள் வெளியேறுவதை அவ்வளவு நல்ல விடையமாகப் பார்க்கவில்லை என்றும் தொழில் நுட்பம் சார்ந்த தீர்வுகளை வழங்கும் கம்பனிகளின் உட்கட்டுமானங்களை கைப்பற்ற ஹக்கர்ஸ் முயல்வது வழமைதான் என்று கூறியுள்ளது.

இதே வேளை சீனாவின் பிரபலமான தேடல் இயந்திர சேவை வழங்குனர் Baidu அமெரிக்க டொமைன் பதிவு செய்யும் கம்பனி ( Register.com Inc) மீது வழக்கைத் தொடுத்துள்ளது. சனவரி 12ம் திகதி இராணிய இராணுவம் என்ற பெயரில் இவர்களின் தளத்திற்கு வரும் பயனர்களை சில ஹக்கர்ஸ் திசை திருப்பி வேறு தளத்திற்கு அனுப்பினர். இவ்வாறு அனுப்ப Register.com தளத்தின் கவனையீனமே காரணம் என்று பாய்டு அறிவித்துள்ளது. Baidu விடம் சீனாவின் தேடல் பொறி சந்தையின் 60 வீதம் உள்ளது. சுமார் 30 வீதத்தையே கூகிள் தன் வசம் வைத்துள்ளது. ஆனாலும் கூகிள் வேகமாக ஆண்டுதோறும் வளர்ந்து வந்துள்ளமையையும் இங்கே குறிப்பிட வேண்டும்.

எது என்ன ஆனாலும் கூகிளின் பங்குகள் நல்ல நிலையிலேயே பங்குச் சந்தையில் உள்ளனவாம். தொடர்ந்தும் விலை சரியாமல் உள்ளமையுடன் 1.6% பங்கு விலைகள் கூடியுள்ளனவாம்.

உலகுடன் சேர்ந்து ஓட தயங்கும் சீனாவிற்கு எதிர் காலம் அவ்வளவாக சிறப்பாக அமையும் என்று தெரியவில்லை. தகவல்களைப் பெறுவது ஒரு மனிதனில் தனிமனித உரிமை. இதைக்கூட ஏற்க மறுக்கும் சீனாவை என்ன வென்பது?? அவதார் திரைப்படம் மூலம் மக்கள் தூண்டப்படலாம் என்று அந்த திரைப்படங்களையே தூக்கிய மகா மக்களாட்சி நடக்கிறது சீனாவில்.

மக்களை ஏமாற்றி மக்களாட்சி நடத்துவதாக பீற்றும் எந்த அரசும் நிலைத்து நீடித்ததாக சரித்திரம் இல்லை. சீனப் பேரரசு இதை உணரப்போகும் காலம் வெகு தொலைவில் இல்லை.

கூகுளுடன் இணைந்து இந்தியாவும் சீனாவை சீண்டியது

தனது ஜிமெயில் வழங்கிகளை சீனாவில் இருந்து கொந்தளர்கள் (Hackers) கைப்பற்ற முயன்றதாகவும் அதன் மூலம் இனி தங்கள் அலுவலகம் சீனாவில் மூடபட்டாலும் மூடப்படாலாம் என்றெல்லாம் கூகிள் பேசியதைப் பற்றி ஒரு பதிவு இட்டிருந்தேன். இப்போது கூகுளுடன் இந்தியாவும் இணைந்துள்ளது. டிசம்பர் 15ம் திகதி இந்திய அரசின் வழங்கிகளையும் கைப்பற்ற சீனாவில் இருந்து ஹக்கர்ஸ் முயன்றதான நாராயணன் தெரிவித்துள்ளார்.

இது போல பலதடவை இந்தியாவின் மீது சைபர் யுத்தம் நடத்தப்பட்டுள்ளதாகவும் நாராயணன் தெரிவித்தார். இதைவிட தற்போது பிரித்தானியா அமெரிக்கா போன்ற நாடுகளுடன் இணைந்து இப்படியான நடவடிக்கைகளை எதிர்காலத்தில் எதிர்க்கப்போவதாகவும் அறிவித்துள்ளார்.

ஒரு மின்னஞ்சலில் PDF கோப்பாக இணைக்கப்பட்டிருந்த ட்ரோஜன் வகை வைரசு ஒன்றைக் கண்டுபிடித்ததாகவும் அந்த PDF கோப்பு மூலம் தமது கணனிகளைக் கைப்பற்று முயன்றதாகவும் நாராயணன் தெரிவித்தார்.

இப்படியாக இந்திய கணனிகளைக் கைப்பற்ற வேண்டிய தேவை தமக்கு இல்லை என்றும், சீனாவில் ஹக் செய்வது சட்டப்படி குற்றம் என்றும் சீனா பதிலுக்கு அறிவித்துள்ளது. சீனாவே ஹக்கிக்கிற்கு அடிக்கடி இலக்காகுவதாகவும் சீனா தெரிவுத்துள்ளது.

1962ல் நடந்த இந்தோ சீனா யுத்தத்தில் இந்திய மொக்கையடி வாங்கியபின்னர் அண்மைய காலத்தில் இரண்டு நாடுகளுக்கும் இடையில் பகை மெல்ல மெல்ல மூண்டுவருகின்றது. அண்மையில் தனது இரண்டு இராணுவ டிவிசன்களை இந்தியா நிறுத்தியுள்ளதுடன் ஜெட்விமானங்களையும் கிழக்கு எல்லைக்கு இந்தியா நகர்த்தியுள்ளது.

ஒரு யுத்தம் மூண்டால் இந்தியாவிற்கு உதவி செய்யக்கூடிய அமெரிக்க தலமையிலான மேற்குலகமும் பொருளாதார நெருக்கடியில் உழல்கின்றவேளையில் இந்தியாவை வாட்ட சீனாவிற்கு இது மிகப்பெரிய பொருத்தமான தருணம் என்பதையும் குறித்து வைத்துக்கொள்ளுங்கள்.

இந்தப் பதிவு எழுதிய பின்னர் நடைபெற்ற நிகழ்ச்சிகளைத் தொகுத்து அடுத்த பதிவும் எழுதியாகிவிட்டது. கூகிள் – சீனா பிரைச்சனை தீராப் பிரைச்சனையாகுமா?? என்ற பதிவையும் வாசித்துப் பயன்பெறுங்கள்.

தகவல் உரிமை மற்றும் சீனாவை நேரடியாக சீண்டிய கூகிள்

பேச்சுரிமை, தகவல் உரிமை போன்ற விடயங்களைக் கேட்டால் சீனாவிற்கு ஆகாது. எதையும் முளையிலேயே கிள்ளி எறியும் பழக்கம் உடையது சீனா. உலகம் எங்கும் சீனாவிற்கு எதிராக மனித உரிமை மீறல் குற்றச்சாட்டுகள் இருந்தாலும் சீனா எது பற்றியும் கவலைப் படுவதில்லை.

கடந்த டிசம்பர் நடுப்பகுதியில் நடந்த ஒரு நிகழ்வு சீனா மற்றும் கூகிள் இடையில் கடும் கசப்புணர்வை ஏற்படுத்தியுள்ளது. சீனாவின் மனித உரிமைக்கு மீறலுக்கு எதிராகச் செயற்படும் நபர்களின் ஜிமெயில் கணக்குகளைக் கூறிவைத்து சீனாவில் இருந்து இணையத் தாக்குதல் நடைபெற்றுள்ளது. இதன் மூலம் மிகவும் சீற்றம் அடைந்துள்ள கூகிள் நிறுவனம் தன் சீன அலுவலகத்தை மூட வேண்டி வந்தாலும் அதற்கு தயாராக இருப்பதாக அறிவித்துள்ளது.

2006இல் சீனாவில் தனது செயற்பாடுகளை ஆரம்பித்த கூகிள் 10 மில்லியன் பயனர்களில் இருந்து 340 மில்லியன் பயனர்களை தன்பால் மிக குறுகிய காலத்தில் ஈர்த்துக்கொண்டது. சீன அரசுடன் செய்து கொண்ட ஒப்பந்தப்படி சில தகவல்களை தேடல் முடிவுகளில் காட்டாமல் கூகிள் கவனித்துக் கொண்டது.

ஆயினும் டிசம்பர் நடுப் பகுதியில் நடந்த நிகழ்வுகள் நிலைமையைத் தலைகீழாக மாற்றியுள்ளன. இது பற்றி கூகிள் கூறுகையில்

we have evidence to suggest that a primary goal of the attackers was accessing the Gmail accounts of Chinese human rights activists. Based on our investigation to date we believe their attack did not achieve that objective. Only two Gmail accounts appear to have been accessed, and that activity was limited to account information (such as the date the account was created) and subject line, rather than the content of emails themselves.

கூகிளின் பாதுகாப்பு வளையத்தைத் தாண்டி சீன ஹக்கர்களால் ஜிமெயில் கணக்குகளை அணுக முடியாமல் போய்விட்டாலும் இதே மாதிரியான தாக்குதல் ஏனைய நிறுவனங்கள் மீதும் நடத்தப்பட்டதாக கூகிள் கூறுகின்றது.

this attack was not just on Google. As part of our investigation we have discovered that at least twenty other large companies from a wide range of businesses–including the Internet, finance, technology, media and chemical sectors–have been similarly targeted.

பெரும் தர்மசங்கடத்தை தோற்றுவித்த இந்த நிகழ்வில் சீன அரசின் நேரடிப் பங்கு இருக்கின்றதா என்று கேட்டதற்கு பதில் ஏதும் சொல்ல கூகிள் மறுத்துவிட்டது.

குழம்பிய குட்டையில் மீன் பிடிக்கும் பழக்கம் உடைய அமெரிக்காவும் தன் பாட்டிற்கு இந்த நிகழ்வு பெரும் சந்தேகங்களை ஏற்படுத்துவதுடன் இது பற்றி சீன அரசிடம் விளக்கம் கோரியுள்ளதாகவும் தெரிவித்தார் ஹல்லாரி கிளிண்டன்.

இந்த நிகழ்வுகளின் பின்னர் கூகிள் இனிமேல் சீனா கூகிள் நிறுவனம் தணிக்கைகள் எவற்றிலும் ஈடுபடாது எனவும் இது சம்பந்தமாக சீன அரசுடன் பேச்சுவார்த்தை நடைபெறும் என்றும் அறிவித்துள்ளது. பேச்சு வார்தை முடிவில் தமது அலுவலகத்தையும் மூடிக்கொண்டு புறபட நேரிட்டாலும் அதற்கும் தயாராக இருப்பதான தோறணையில் கூகிள் கருத்து வெளியிட்டுள்ளது.

“If, as seems likely, the government refuses to allow it to operate an uncensored service, then Google will pull out.

தகவல் சுதந்திரம் எனபது ஒவ்வொரு மனிதனிற்கும் இருக்கவேண்டியது. யாரும் சொல்பவற்றை மட்டுமே நாங்கள் நம்பவேண்டும் என்று நினைப்பது முட்டாள்தனம். சீன அரசும் ஒரு மக்கள் அரசு இப்படியான செயல்களில் இறங்கி மக்கள் எதிர்ப்பைச் சம்பாதிக்குமா?

இவ்விடயம் சம்பந்தமாக எழுதிய புதிய தகவல்களைக் கொண்ட பின்வரும் பதிவுகளையும் காணவும்.

  1. சீனாவை கூகுளுடன் இணைந்து இந்தியாவும் சீண்டியது
  2. தொடரும் சீனா – கூகிள் பனி யுத்தம்

P.S: சீன அரசு பேசாமல் Cowboy மதுவை நாடியிருந்தால் பிஷ்ஷிங் முறையில் ஹக் செய்து கொடுத்திருப்பார். 😉

வேலையில்லா திண்டாட்டத்தில் அலறும் அமெரிக்கா

உலக நிதி நெருக்கடி காரணமாக உலகமெங்கும் பல மில்லியன் கணக்கானோர் வேலையிழந்தனர். இலங்கை இந்தியா போன்ற தெற்காசிய நாடுகள் கூட இந்த நிதி நெருக்கடியில் நொந்து போயின. இதில் என்னவோ அதிகமாக அடிவாங்கியது அமெரிக்காதான்.

2007ல் ஆரம்பித்த இந்த நிதி நெருக்கடி காரணமாக அமெரிக்காவில் இதுவரை 7.2 மில்லியன் வேலைவாய்ப்புகள் இழக்கப்பட்டுள்ளன. இதில் 4.2 மில்லியன் வேலைவாய்ப்புகள் நிதிநெருக்கடி உச்சம் கொடுத்த 2009ம் ஆண்டில் இழக்கப்பட்டுள்ளது. நிதி நெருக்கடி ஓய்ந்துவிட்டது எல்லாம் மெல்ல மெல்ல பழைய நிலைமைக்கு திரும்புகின்றது என்று ஒபாமா ஒப்பாரி வைக்கும் நேரத்தில் கடந்த டிசம்பர் மாதக்காலப்பகுதியில் மீண்டும் 85,000 வேலைவாய்ப்புகள் பறிக்கப்பட்டுள்ளன. இதேபோல நவம்பர் மாதக்காலப்பகுதியில் 11,000 வேலைகள் இழக்கப்படலாம் என்று அமெரிக்க அலுவலர்கள் எதிர்பார்த்தாலும் எதிர் பார்த்ததைவிட 4000 வேலைவாய்ப்புகள் அதிகமாகவே இழக்கப்பட்டுள்ளன. எது என்னவானாலும் வேலைவாய்ப்பில்லா வீதத்தை 10% பேணுவதாக அமெரிக்கா தெரிவிக்கின்றது. இது இந்த வருடம் 11 வீதமாக அதிகரிக்கும் என்றும் இது உலக யுத்தம் II இன் பின்னர் ஏற்பட்ட அமெரிக்காவின் மிகப்பெரிய வேலையில்லாத் திண்டாடமாக மாறும் என்றும் கணிக்கப்பட்டுள்ளது.

புள்ளிவிபரங்கைப் பார்க்கும் போது எமக்கே பீதி ஏற்படும்போது அமெரிக்கா பீதியடைவதில் வியப்பேதும் இல்லை. கடந்த 20 வருடங்களில் அமெரிக்காவில் இப்படியான வேலையில்லா திண்டாட்டம் எப்போதும் நிலவியதில்லையாம். ஒபாமாவின் நிர்வாகத்திற்கு மிகப்பெரிய சோதனையாகவும், தலையிடியாகவும் இந்த வேலையில்லாத் திண்டாட்டம் திகழ்கின்றது. கடந்த டிசம்பர் மாதம் ஒபாமா தனது புதிய பொருளாதார மீட்சி திட்டத்தை அறிவித்தார். அதன்படி சிறிய வியாபாரங்களை ஊக்குவிக்கும் திட்டத்தையும் அறிவித்தார்.

ஒபாமா அமெரிக்க வங்கிகளை சிறிய மற்றும் நடுத்தர வியாபாரங்களுக்கு பணம் கொடுத்து உதவுமாறு வேண்டிக்கொண்டுள்ளார். அமெரிக்க வங்கிகளுக்கு ஒபாமா நிர்வாகம் சுமார் $700 பில்லயன் அமெரிக்க டாலர்களை உதவித் தொகையாக வழங்கியது. இதனால் சதாரண மக்கள் கடும் கடுப்பாகவுள்ளனர். ஆயினும் ஒபாமா அவர்கள் கருத்து தெரிவிக்கையில் 1930ன் பின்னர் அமெரிக்க எதிர்கொள்ளும் இந்த மோசமான நிதி நெருக்கடியை எதிர்கொள்ள இந்த கடன் உதவி அவசியமாகின்றது என்று அறிவித்தார்.

முன்பு தான் செய்த உதவிக்கு பரோபகாரம் தேடும் நடவடிக்கையாகவே ஒபாமா இந்த வேண்டுகோளை முன் வைத்துள்ளார் என எண்ணலாம்.

சில அமெரிக்க வங்கிகள் அரசு கொடுத்த கடன்களை நன்றியுடன் திருப்பி வழங்கிய நிகழ்வுகளும் நடந்தேறத் தொடங்கிவிட்டன. உதாரணமாக அமெரிக்க அரசு கொடுத்த 20பில்லயன் அமெரிக்க டாலர் கடன் தொகையை சிட்டி குரூப் எதிர்பார்த்த காலத்தை விட குறுகிய காலத்தில் மீள அரசிற்கு வழங்கியுள்ளது. இது வங்கித்துறை நிதி நெருக்கடியில் இருந்து மெல்ல மீண்டு வருவதைக் காட்டுவதாக இருப்பினும், வங்கிகள் அரச தலையீட்டை அவ்வளவாக விரும்பவில்லை என்பதையும் காட்டுவதாக எடுத்துக்கொள்ளலாம்.

இன்னும் எத்தனை நாட்களுக்கு இந்த வேலையில்லா திண்டாட்டம் இருக்கும் என்று கேட்டால் எனக்கும் சத்தியமாக பதில் தெரியாது. ஆயினும் 2012 வரை கூட இதன் தாக்கம் இருக்கலாம் என்று எதிர்பார்க்கப்படுகின்றது. பல நிறுவனங்கள் புதிதாக வேலையாட்களைச் சேர்க்க கூடிய கொள்ளளவு இருந்தாலும் பயம் காரணமாக சேர்ப்பதில்லை.

இது இப்படியென்றால் நம்மூரில் உலக நிதி நெருக்கடியை காட்டி கொள்ளயடிக்கும் நிறுவனங்கள் அதிகம். மிகுந்த இலாபத்தில் இயங்கினாலும் உலக நிதி நெருக்கடியைக்காட்டி ஊழியரிடம் அளவுக்கு அதிகமாக வேலை வாங்குதல் மற்றும் சம்பள உயர்வு வழங்காமை போன்ற காரியங்களிலும் ஈடுபடுகின்றன. மக்கள் நலம் உள்ள அரசு தலையிட்டால் அன்றி இப்பிரைச்சனைகள் தீர வழியிருப்பதாகத் தெரியவில்லை.